Pasadan astean, alarma guztiak martxan jarri ziren Deba, Zumaia eta Getaria aldean hilik agertu ziren 10 zetazeo zirela eta. Aste honetan, AMBAR-eko kideak hauek agertutako lekuetara hurbildu eta animalien heriotzaren arrazoiak zeintzuk diren aurkitzen saiatu dira.
Aurkitutako animaliak, mazopatik -aurkitutako zetazoetatik txikiena-, izurde listatu eta komunak, eta kalderoi komunetatik pasatzen dira, azken hau Bizkaiko uretan aurkitutakoa. Honek, bestalde, Bizkaiko golkoan bizi diren zetazeoen dibertsitatea eta aberastasuna baieztatzen du.
Dena den, AMBAR-ek dioenez, agertutako zetazeoen zenbakiak ez gaitu kezkatu behar, urte sasoi honetan gertatzen bait dira hondartze gehienak. Neguko ekaitzek eta tenperaturaren jaisteak, ale ahulduenak hiltzea suposatzen du askotan (gehienetan arnasa hartzeko arazoak direla eta). Honi, Iparraldeko haizearen presentzia gehitzen badiogu, gure kostaldera gorpuak ekartzea uler dezakegu.
Datu hauek garrantzi handia daukate gure espezie hauen biologia ulertzeko: hondartutako zetazeo bat ikertuz, espezieaz gain, bere tamaina, sexua eta distribuzioa (espaziala nahiz denborala) jaso daiteke. Horrez gain, gaixotasunak, elikadura eta ikerketa genetikoa egin daiteke, zeini esker, bere migrazioak eta areako beste populazio batzuekin duten erlazioa ulertu daiteke.
Kasu askotan ezin izan da heriotzaren arrazoia jakin, itsasoan edo harrietan gorpua egun batzuetan egon ondoren, animaliaren nahiko hondatuta agertu delako. Beste kasu batzuetan, dena den, gaixotasunaren edo nahigabeko harrapaketaren ondorio direla jakin daiteke.
Hala ere atentzioa deitzen du, agertutako zetazeo bat ikertzean, horren haragia lortzeko helburuarekin arpoiaren bitartez ehizatutako animalia izan dela (argazkian). AMBAR taldetik gogoratzen dute, guztiz debekatuta dagoela zetazeoak arrantzatzea, babestutako animalien barne sartuta daudelako. Horrez gain, animali hauek ugaztunak direnez, gizakiei pasatu diezaioketen gaixotasunak izan ditzaketela eta, ondorioz, gaixorik eta/edo kontrol sanitariorik gabeko animalien kontsumoak, ondorio larriak eragin ahal dituela jaten dituen pertsonarentzat. Azkenaldian argitaratutako ikerketa batzuek, lehenago aipatutako espezietan bruzelosia aurkitu dela esaten dute.
Arrazoien artean, asko daude… baina denon artean heriotza hauek gutxitzeko moduak dauzkagu. Irakurri nola.
Iturria: Ambar
